ବିପର୍ଯ୍ୟସ୍ତ ଆଇନଶୃଙ୍ଖଳା ଓ ସରକାର ନିରବଦ୍ରଷ୍ଟା କୁନେଇ ପାଟଣାଗଡ଼ ଥାନା ଘେରାଉ

ବିପର୍ଯ୍ୟସ୍ତ ଆଇନଶୃଙ୍ଖଳା ଓ ସରକାର ନିରବଦ୍ରଷ୍ଟା କୁନେଇ ପାଟଣାଗଡ଼ ଥାନା ଘେରାଉ । ଡିଜି ଙ୍କ ଉଦ୍ଦେଶ୍ୟ ରେ ପାଟଣାଗଡ ଥାନାଧିକାରୀ ଙ୍କୁ ଦାବି ପତ୍ର ପ୍ରଦାନ ! ବଲାଙ୍ଗୀର ଜିଲ୍ଲା ପାଟଣାଗଡ଼ରେ ଆଜି ବିପର୍ଯ୍ୟସ୍ତ ଆଇନଶୃଙ୍ଖଳା ଓ ସରକାର ନିରବଦ୍ରଷ୍ଟା କୁନେଇ ! ସ୍ଥାନୀୟ ବିଜେଡି ଦଳ ଓ କଲେଜ ଛାତ୍ରଛାତ୍ରୀ ଙ୍କ ପକ୍ଷରୁ ପାଟଣାଗଡ଼ ଥାନା ଘେରାଉ କରାଯିବା ସହ ପୁଲିସ ଡ଼ିଜି ଙ୍କ ଉଦ୍ଦେଶ୍ୟରେ ଥାନା ଅଧିକାରି ହରିବନ୍ଧୁ ଗଡତ୍ୟା ଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି  ।

ସ୍ଥାନୀୟ ବ୍ରାହ୍ମପୁରା ରଥଭଟା ଠାରେ ଉକ୍ତ ବ୍ଳକ ଓ ଏନ୍ଏସିର ୧୦ ଗୋଟି କଲେଜର ଶତାଧିକ ଛାତ୍ରଛାତ୍ରୀ ଓ ବିଜେଡି କର୍ମୀ ମାନେ ଏକତ୍ରିତ ହୋଇଥିଲେ । ପରେ ଜିଲ୍ଲା ବିଜେଡି ସଭାପତି ତଥା ପାଟଣାଗଡ଼ ପୁର୍ବତନ ବିଧାୟକ ସରୋଜ କୁମାର ମେହେର ଙ୍କ ନେତୃତ୍ବରେ ସେମାନେ ସେଠାରୁ ଏକ ରାଲିରେ ବାହାରି ବିଭିନ୍ନ ନାରାଦେବା ସହିତ ହାତରେ ଫ୍ଲାକାର୍ଡ ଧରି ସହରର ମୁଖ୍ୟ ରାସ୍ତାଦେଇ ପାଟଣାଗଡ଼ ଥାନା ପର୍ଯ୍ୟନ୍ତ ଯାଇଥିଲେ ।

ସେଠାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ସଭାରେ ଜିଲ୍ଲା ସଭାପତି ତଥା ପୁର୍ବତନ ବିଧାୟକ ଶ୍ରୀ ମେହେର ରାଜ୍ୟର ଡବଳ ଇଞ୍ଜିନ ସରକାର ସମୟରେ ଓଡ଼ିଶାରେ ଦିନକୁଦିନ ନାରି ଓ ଛାତ୍ରି ମାନଙ୍କ ଉପରେ ହେଉଥିବା ନିର୍ଯ୍ୟାତନା, ଦୁଷ୍କର୍ମ ଭଲି ଘଟଣାକୁ ନେଇ ସରକାର ଙ୍କ ବିରୋଧରେ ସମାଲୋଚନା କରିଥିଲେ।

ପରେ ଥାନା ଅଧିକାରୀ ଶ୍ରୀ ଗଡତ୍ୟା ପ୍ରତିବାଦ ସ୍ଥାଲକୁ ଆସି ଦାବିପତ୍ର ଗ୍ରହଣ କରିଥିଲେ । ପୁଣି ଆଗାମୀ ଦିନରେ ଏଭଲି ଘଟଣା ଯଦି ହୁଏ ତେବେ ବିଜେଡି ରାଜରାସ୍ତାକୁ ଓହ୍ଲାଇବ ବୋଲି ପୁର୍ବତନ ବିଧାୟକ ଶ୍ରୀ ମେହେର ଚେତାବନୀ ଦେଇଛନ୍ତି