ଓଡ଼ିଆଙ୍କୁ ଅଲୋଡା କରି ସରକାର ଲୋଡିଲେ ବଲିଉଡ୍ ଅଭିନେତ୍ରୀଙ୍କୁ । ଓଡ଼ିଶା ହସ୍ତତନ୍ତର ବ୍ରାଣ୍ଡ୍ ଆମ୍ବାସାଡାର୍ ହେଲେ ମାଧୁରୀ କାହିଁକି କଲେନି ଓଡ଼ିଆ ହିରୋଇନଙ୍କୁ ।
ସବୁବେଳେ ଓଡ଼ିଆ ଅସ୍ମିତା କଥା କହୁଥିବା ସରକାର ଓଡ଼ିଆଙ୍କୁ କରିଦେଲେ ଅଣ ଦେଖା । ଓଡ଼ିଆ ଅସ୍ମିତାର କଥା କହି ସରକାରକୁ ଆସିଥିବା ସରକାର ଭୁଲିଗଲେ କି ଓଡ଼ିଆ ଅସ୍ମିତାର କଥା । ଏ ପ୍ରଶ୍ନ ଆମେ ପଚାରୁ ନାହୁଁ ଆଜ୍ଞା ଏହା ଓଡ଼ିଶାବାସୀ କରୁଛନ୍ତି । ଓଡ଼ିଆ ସିନେମା ଜଗତରେ ଅନେକ ଅଭିନେତ୍ରୀ ଥିବା ବେଳେ ସରକାର ବଲିଉଡ୍ ଅଭିନେତ୍ରୀ ମାଧୁରୀଙ୍କୁ ଓଡ଼ିଶା ହସ୍ତତନ୍ତର ବ୍ରାଣ୍ଡ୍ ଆମ୍ବାସାଡାର୍ କରିଛନ୍ତି ।
ଯାହାକୁ ସହଜରେ ଗ୍ରହଣ କରି ପାରୁ ନାହାଁନ୍ତି ଓଡ଼ିଶାବାସୀ । ଲୋକେ କହୁଛନ୍ତି ଓଡ଼ିଆ ଅସ୍ମିତା କଥା କେବଳ ବିଜେପି ସରକାର ପାଇଁ କଥାରେ କିନ୍ତୁ କାମରେ ନୁହେଁ । କାହିଁକି ଓଡ଼ିଶାରେ ଦିଆ ଯାଉଛି ବଲିଉଡ ଅଭିନେତା ଅଭିନେତ୍ରୀଙ୍କୁ ଗୁରୁତ୍ଵ । ଓଡ଼ିଶାରେ ଅନେକ ଲୋକ ପ୍ରିୟ ଅଭିନେତା ଅଭିନେତ୍ରୀ ଥିବା ବେଳେ ସରକାର କାହିଁକି ଲୋଡୁଛନ୍ତି ମୁମ୍ବାଇ ଅଭିନେତା ଅଭିନେତ୍ରୀଙ୍କୁ ।
ଯଦି ଓଡ଼ିଆ ଅଭିନେତା ଅଭିନେଟ୍ରୀ ଙ୍କ ଠୁ ଅଧିକ ବଲିଉଡ୍ ଅଭିନେତା ଅଭିନେତ୍ରୀଙ୍କ ଲୋକ ପ୍ରୀୟତା ରହିଛି । ହେଲେ ମିଳିତ ବ୍ରାଣ୍ଡ୍ ଆମ୍ବାସାଡାର୍ କରିବାରେ କେଉଁଠି ଥିଲା ସମସ୍ୟା । କେବଳ ଥରେ ନୁହେଁ ପୂର୍ବରୁ ମଧ୍ୟ ଏମିତି ଘଟଣା ଘଟିଛି । ହେଲେ ଓଡ଼ିଆ ଅସ୍ମିତାର କଥା କହି ସରକାରକୁ ଆସିଥିବା ବିଜେପି ସରକାରରେ ଏହି କାର୍ଯ୍ୟ କରିବା ଦ୍ୱାରା ସମସ୍ତେ ଏବେ ଏପରି ପ୍ରଶ୍ନ କରୁଛନ୍ତି ।
ତେବେ କିଛି ଲୋକଙ୍କ କହିବା କଥା ମାଧୁରୀ ଓଡ଼ିଶା ହସ୍ତତନ୍ତର ବ୍ରାଣ୍ଡ୍ ଆମ୍ବାସାଡାର୍ ହେଲେ ଦେଶ ବିଦେଶରେ ଏହାର ପ୍ରଚାର ପ୍ରସାର ହେବ । ହେଲେ କିନ୍ତୁ ଓଡ଼ିଆ ଅଭିନେତା ଅଭିନେତ୍ରୀଙ୍କୁ ମଧ୍ୟ ସେମାନେ ମିଳିତ ବ୍ରାଣ୍ଡ୍ ଆମ୍ବାସାଡାର୍ କରି ଥାଇ ପାରନ୍ତେ । କିନ୍ତୁ ତାହା ନକରିବା ପରେ ଏବେ ଓଡ଼ିଶାରେ ଅସନ୍ତୋଷ ଦେଖିବାକୁ ମିଳିଛି ।
ତେବେ ଦର୍ଶକ ବନ୍ଧୁ ଜାତୀୟ ହସ୍ତତନ୍ତ ଦିବସ୨୦୨୫ କୁ ନେଇ ଆୟୋଜିତ ହୋଇଥିଲା ସ୍ୱତନ୍ତ୍ର କାର୍ଯ୍ୟକ୍ରମ ଆଉ ଏଥିରେ ଯୋଗ ଦେଇଥିଲେ ମାଧୁରୀ। ଏହି ଉଦ୍ଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସମେତ ରାଜ୍ୟପାଳ ଓ ସ୍ୱତନ୍ତ୍ର ଅତିଥି ଭାବେ ମାଧୁରୀ ଯୋଗ ଦେଇଥିଲେ । ତେବେ ମାଧୁରୀଙ୍କୁ ଓଡ଼ିଶା ହସ୍ତତନ୍ତର ବ୍ରାଣ୍ଡ୍ ଆମ୍ବାସାଡାର୍ କରିବା ପରେ ଲୋକେ ଏବେ ନାନା କଥା କହି ଆଲୋଚନା କରୁଛନ୍ତି ।
ପୂର୍ବରୁ ମଧ୍ୟ ଆପଣଙ୍କ ମନେ ଥିବ ହକି ବିଶ୍ୱକପ୍ ଆୟୋଜନ ବେଳେ, ଉଦଘାଟନୀ ସମାରୋହରେ ବଲିଉଡ୍ କଳାକାରଙ୍କୁ ଦେଖିବାକୁ ମିଳିଥିଲା । ସେତେବେଳେ ଏହାକୁ ନେଇ ଏକ ବଡ଼ ବିବାଦ ମଧ୍ୟ ମୁଣ୍ଡ ଟେକିଥିଲା ।ଆଉ ଏହା ପରେ ଏବେ ଏହି ଘଟଣାକୁ ନେଇ ଲୋକେ ଚର୍ଚ୍ଚା କରିବା ସହିତ ପ୍ରଶ୍ନ ମଧ୍ୟ କରୁଛନ୍ତି । କିଛି ଲୋକେ କହୁଛନ୍ତି ପୂର୍ବ ସରକାର ଯାହା କରୁଥିଲେ ଓଡ଼ିଆ ଅସ୍ମିତା କଥା କହୁଥିବା ବର୍ତ୍ତମାନର ସରକାର ମଧ୍ୟ ତାହା କରୁଛନ୍ତି ।
