ପୁଣି ଚର୍ଚ୍ଚାରେ ଯାତ୍ରା ଅଭିନେତ୍ରୀ ସୋନାଲି ପଣ୍ଡା ! ବାପା ସପକ୍ଷରେ ବାହାରି ଥାନାରେ ସୋନାଲି ପଣ୍ଡା ଙ୍କ ପୁଅ
ପୁଣି ଚର୍ଚ୍ଚାରେ ଯାତ୍ରା ଅଭିନେତ୍ରୀ ସୋନାଲି ପଣ୍ଡା ଓରଫ୍ କାଗଜି ପଲାଇ ଓ ଶ୍ରୀକ୍ଷେତ୍ର ପ୍ରସାଦ ସାମନ୍ତସିଂହାର ବିବାଦ। ଶିଶୁ ମଙ୍ଗଳ କମିଟି, ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ବେଞ୍ଚରେ ହାଜର ହୋଇଛି ନାବାଳକ ପୁଅ। ପୁଅର ଭବିଷ୍ୟତ ଓ ସୁରକ୍ଷାକୁ ଦୃଷ୍ଟିରେ ରଖି ଶିଶୁଯତ୍ନ ଅନୁଷ୍ଠାନରେ ତାକୁ ରଖାଯାଇଥିବା ବେଳେ ଶିଶୁ ମଙ୍ଗଳ କମିଟି କରିଛି କାଉନସେଲିଂ। ବାପାକୁ ବଞ୍ଚାଇବା ପାଇଁ ଥାନାରେ ଅଭିଯୋଗ କରିଛି ନାବାଳକ ପୁଅ। ଅନ୍ୟପକ୍ଷରେ ସୋନାଲିଙ୍କର ବୟାନ ରେକର୍ଡ କରିଛି ପୁରୀ ପୋଲିସ। ସେହିପରି ଉଭୟ ସୋନାଲ ଏବଂ ଶ୍ରୀକ୍ଷେତ୍ର ପ୍ରସାଦଙ୍କର ମଧ୍ୟ କାଉନସେଲିଂ କରିବ ଶିଶୁ ମଙ୍ଗଳ କମିଟି।
ମାଆର ନିଷ୍ପତ୍ତି ବିରୋଧରେ ପୁଅ କୃଷ୍ଣ ପ୍ରସାଦ ଥାନା ଅଧିକାରୀଙ୍କୁ ଚିଠି ଲେଖିଛି । ବାପା ଦରକାର ନହେଲେ ରାଷ୍ଟ୍ରପତି ପ୍ରଧାନମନ୍ତ୍ରୀ ,ହାଇକୋର୍ଟ ବିଚାରପତିଙ୍କ ନିକଟରେ ଇଛା ମୃତ୍ୟୁ ଆବେଦନ କରିବାକୁ ଉଲ୍ଲେଖ କରିଛି ନାବାଳକ ପୁଅ । ସେପଟେ ପୁଅର ଭବିଷ୍ୟତ ଓ ସୁରକ୍ଷାକୁ ଦୃଷ୍ଟିରେ ରଖି ଶିଶୁ ଯତ୍ନ ଗୃହରେ ତାକୁ ରଖାଯାଇଥିବା ବେଳେ ଶିଶୁମଙ୍ଗଳ କମିଟି ନିକଟରେ ଉପସ୍ଥିତ କରାଯାଇଛି ।ସୋନାଲିଙ୍କ ଅଭିଯୋଗ ଆଧାରରେ ଯାଜପୁର ବାଲିଚନ୍ଦ୍ରପୁର ଥାନାରେ ଜିରୋ ଏଫ୍ ଆଇ ଆର୍ ରୁଜ୍ଜୁ ହୋଇଥିଲା । ୩ ଅଗଷ୍ଟ୨୦୨୫ରେ ମାମଲା ରୁଜ୍ଜୁ ହୋଇଥିଲା ।
ସୋନାଳିଙ୍କ ପୈତୃକ ଗାଆଁ କୃଷ୍ଣ ପ୍ରସାଦ ହୋଇଥିବାରୁ ମାମଲା ଟି କୁ ପୁରୀ ପୋଲିସ କୁ ହସ୍ତାନ୍ତର କରାଯାଇଛି ।ଆଉ ଏଥିରେ ସୋନାଲି ଶ୍ରୀକ୍ଷେତ୍ର ସାମନ୍ତ ସିଂହାର ନାଁରେ ଅପହରଣ , ଜୋର ଜବରଦସ୍ତ ବିବାହ ଭଳି ଅଭିଯୋଗ ଆଣିଛନ୍ତି । ସେହି ଆଧାରରେ ଗତକାଲି ପୁରୀ ପୋଲିସ୍ ୧୬୧ ଏବଂ ୧୬୪ରେ ସୋନାଲି ଙ୍କ ବୟାନ ରେକର୍ଡ କରିଛି । ଖୁବ୍ ଶୀଘ୍ର ଶ୍ରୀକ୍ଷେତ୍ର ସାମନ୍ତସିଂହାର କୁ ଆଣି ଜେରା କରାଯିବ ।
ଅନ୍ୟପଟେ ବାପା ମାଆଙ୍କ ମଧ୍ୟରେ ବିବାଦ ଯୋଗୁ ପିଲାର ଭବିଷ୍ୟତ ବାଧାପ୍ରାପ୍ତ ହେବା ଆଶଙ୍କା କରିଛି ପୁଲିସ। ନାବାଳକ ପୁଅର ଅଭିଯୋଗ ଆଧାରରେ ଗୁରୁବାର ରାତିରୁ ତାକୁ କୃଷ୍ଣପ୍ରସାଦ ଥାନା ଆଣି ପୁରୀ ଶିଶୁଯତ୍ନ ଅନୁଷ୍ଠାନରେ ରଖିଥିଲା। ଶୁକ୍ରବାର ତାକୁ ଶିଶୁ ମଙ୍ଗଳ କମିଟିରେ ହାଜର କରାଇଛି।
ଶିଶୁ ମଙ୍ଗଳ କମିଟି ସଦସ୍ୟ ତାକୁ କାଉନସେଲିଂ କରିଛନ୍ତି। ବାପା ମାଆକୁ କାଉନସେଲିଂ ପାଇଁ ପୋଲିସକୁ ଚିଠି ଯିବ। ପିଲାର ଭବିଷ୍ୟତ ପାଇଁ ମାମଲାକୁ ଫ୍ୟାମିଲି କୋର୍ଟକୁ ପଠାଯିବ। ପିଲାର ଉଜ୍ଜଳ ଭବିଷ୍ୟତ ପାଇଁ ଉତ୍ତମ ବାତାବରଣ ଶିଶୁ ମଙ୍ଗଳ କମିଟି ସ୍ଥିର କରିବ ବୋଲି କହିଛନ୍ତି ଶିଶୁ ମଙ୍ଗଳ କମିଟି ସଦସ୍ୟ ହିମାଂଶୁ ଦେବଯାନୀ।
ଗତ କିଛି ଦିନ ତଳେ ଯାତ୍ରା ଅଭିନେତ୍ରୀ ସୋନାଲି ନିଜ ସ୍ବାମୀଙ୍କ ନାଁରେ ଯାଜପୁର ବାଲିଚନ୍ଦ୍ରପୁର ଥାନାରେ ଏତଲା ଦେଇଥିଲେ। ଯଦି ତଦନ୍ତ ପୂର୍ବରୁ ବାପାଙ୍କୁ ଗିରଫ କରାଯାଏ, ତେବେ ସେ ବିଷ ପିଇ ଥାନା ସମ୍ମୁଖରେ ଜୀବନ ହାରିବା ପାଇଁ ବାଧ୍ୟ ହେବେ ବୋଲି ଶ୍ରୀକ୍ଷେତ୍ରଙ୍କ ପୁଅ ଲିଖିତ ଅଭିଯୋଗ କରିଛନ୍ତି ।
