ବୌଦ୍ଧ ଜିଲ୍ଲାରେ ଜଙ୍ଗଲୀ ହାତୀଙ୍କ ଉପଦ୍ରବ: ୫୦ ଏକରରୁ ଅଧିକ ଚାଷ ନଷ୍ଟ

ବୌଦ୍ଧ ଜିଲ୍ଲାରେ ଦିନକୁ ଦିନ ଜଙ୍ଗଲୀ ହାତୀଙ୍କ ଉପଦ୍ରବ ବଢ଼ୁଥିବାରୁ ଚାଷୀମାନେ ବହୁ କ୍ଷତିଗ୍ରସ୍ତ ହେଉଛନ୍ତି। ବୌଦ୍ଧ ବନଖଣ୍ଡ ଅନ୍ତର୍ଗତ ଗମ୍ଭାରୀପଦର, ବଲାସିଙ୍ଗା, ଶରଧାପୁର ଓ ଚଣ୍ଡିଗଡ଼ ଆଦି ଗ୍ରାମରେ ଗତ ଏକମାସରୁ ଅଧିକ ସମୟ ଧରି ୧୪ଟିକିଆ ହାତୀପଲ ଚାଷ ଜମିକୁ ପଶି ବିଭିନ୍ନ ପନିପରିବା ଫସଲ ନଷ୍ଟ କରୁଥିବା ଅଭିଯୋଗ ହୋଇଛି। ଚାଷୀଙ୍କ କହିବା ଅନୁଯାୟୀ, ହାତୀପଲ ତରଭୁଜ, କଖାରୁ, ବାଇଗଣ, ଆଳୁ, କାକୁଡି ସମେତ ବିଭିନ୍ନ ପନିପରିବା ଚାଷକୁ ନଷ୍ଟ କରିଦେଇଛି।ଏହାରେ ପ୍ରାୟ ୪୫ ରୁ ୫୦ ଜଣ ଚାଷୀଙ୍କର ୫୦ ରୁ ୬୦ ଏକର ଚାଷ ଜମିରେ ଥିବା ଫସଲ କ୍ଷତିଗ୍ରସ୍ତ ହୋଇଥିବା ଜଣାପଡିଛି

ଅନ୍ୟପଟେ ଋଣ କରି ଚାଷ କରିଥିବା ଚାଷୀମାନେ ବର୍ତ୍ତମାନ ଭାରୀ ଚିନ୍ତାରେ ପଡ଼ିଛନ୍ତି। ଫସଲ ନଷ୍ଟ ହେବାରୁ କିପରି ଋଣ ପରିଶୋଧ କରିବେ, ସେନେଇ ସେମାନଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି।ଚାଷୀ କହିବାନୁଯାଇ , ବନବିଭାଗର କାର୍ଯ୍ୟପଦ୍ଧତି ପ୍ରତି ଅସନ୍ତୋଷ ପ୍ରକାଶ କରିଛନ୍ତି। ସେମାନଙ୍କ ଅଭିଯୋଗ ଅନୁଯାୟୀ, ବନବିଭାଗ ଟିମ୍ କେବଳ ଲୋକଦେଖାଣିଆ ଭାବେ ଆସୁଥିବା ବେଳେ ହାତୀ ଘଉଡ଼ାଇବାରେ କୌଣସି ସ୍ଥାୟୀ ପଦକ୍ଷେପ ନେଇପାରୁ ନାହାନ୍ତି।

ଏହି ପରିସ୍ଥିତିରେ ଚାଷୀମାନେ ଶୀଘ୍ର କ୍ଷତିପୂରଣ ସହ ହାତୀ ଉପଦ୍ରବର ସ୍ଥାୟୀ ସମାଧାନ ପାଇଁ ଦାବି କରିଛନ୍ତି।