ଆଜିର ମଜାଦାର ପ୍ରଶ୍ନ – ଡାଳ ନାହିଁ କି ପତ୍ର ନାହିଁ , ଫୁଲ ନାହିଁ କି ଫଳ ନାହିଁ ରଙ୍ଗ ତାର କଳା ଆଉ ଗଛ ସିଏ ଲତା, ମଣିଷକୁ ଛାଇ ଦିଏ ଖରାକୁ ସେ ଛତା କଣ ତାହାର ନାମ କୁହ…

ଚାଲନ୍ତୁ କିଛି ପଜଲ ବିଷୟରେ ଜାଣିବା। ଏହି ପ୍ରହେଳିକା ଛୋଟ ଛୋଟ ପିଲାଙ୍କର ଜ୍ଞାନକୁ ବୃଦ୍ଧି କରିବାରେ ସହାୟକ ହୋଇଥାଏ। ଯାହାକି ପିଲାଦିନେ ଆମେ ଏଭଳି ଅନେକ ଢଗ ଢମାଳି ଶୁଣିବାକୁ ପାଉ | ତେବେ ଆଜି ଆସନ୍ତୁ ଏପରି କିଛି ନୂତନ ଜ୍ଞାନ ଆହରଣ କରିବା | ଯାହାକି ଆପଣଙ୍କ ପିଲା ଓ ଆପଣଙ୍କ ସାଙ୍ଗ ସହ ନିଶ୍ଚୟ ସେୟାର କରିବେ ଓ ଏଭଳି ମଜାରେ ,ମଜାରେ କିଛି ଜ୍ଞାନ ଆହରଣ କରିବେ | ତେବେ ଡେରି ନ କରି ଚାଲନ୍ତୁ ଆରମ୍ଭ କରିବା।

୧. ଡାଳ ନାହିଁ କି ପତ୍ର ନାହିଁ , ଫୁଲ ନାହିଁ କି ଫଳ ନାହିଁ
ରଙ୍ଗ ତାର କଳା ଆଉ ଗଛ ସିଏ ଲତା, ମଣିଷକୁ ଛାଇ
ଦିଏ ଖରାକୁ ସେ ଛତା.

ଉତ୍ତର:- କେଶ ।

୨.ଦୁହେଁ ମିଶିଲେ କରଇ ଶବ୍ଦ, ଯନ୍ତ୍ର ନୁହେଁ ସେ ତଥାପି ବାଦ୍ୟ।

ଉତ୍ତର:- ହାତ ତାଳି।

୩. ଏମିତି ବାଘ ସେ ଛାଡେନି ଘର ଖାଏନି ମଣିଷ ପିଏ ସେ କ୍ଷୀର ମା ନଦେଖିଲେ ମାଉସୀ ଦେଖେ ଲୋ କୁକୁରକୁ ତାର ପ୍ରବଳ ଡର।

ଉତ୍ତର:- ବିଲେଇ।

୪. ନିମିଷେ ପଡେ କବାଟ ତାର ,ନିମିଷେ ହୁଏ ଖୋଲା
କବାଟ ପଡିଲେ ବିଜୁଳି କଟଇ, ଅନ୍ଧାର ଦିଶଇ ଗୋଲା।

ଉତ୍ତର:- ଆଖିପତା।

୫. ଲାଞ୍ଜ ଅଛି ହେଲେ ଡେଣା ନାହିଁ , ଆକାଶରେ ଉଡେ ସାଇଁ ସାଇଁ ,ଏହି ଉତ୍ତର କହିବ ଯିଏ ମକର ଚାଉଳ ଖାଇବ ସିଏ।

ଉତ୍ତର:- ଗୁଡି।

୬.ଦଉଡି ଦେଇ ଗଛରେ ଝୁଲେ ,ଖୁସି ହୁଅନ୍ତି ଦେଖିଲେ ପିଲେ ବସନ୍ତି ଯାଇ ତା ଉପରେ ,ଗାଆନ୍ତି ଗୀତ ମନ ଖୁସିରେ।

ଉତ୍ତର:- ଦୋଳି।

୭. ଅଧା ଫୁଲ ମୁଁ ଅଧା ଫଳ ହେଲେ ତୋଳା ହୁଏ ନାହିଁ ଗଛରୁ ଡଉଲ ଡାଉଲ ରଙ୍ଗ ମୋ ଝରେ ରସ ମୋ ଦେହରୁ।

ଉତ୍ତର:- ଗୋଲାପ ଜାମୁ।

୮. ଗଛ ଦାରୁ ପତ୍ର ସରୁ ,ଫୁଲ ଧଳା ଫଳ କଳା ସେ ଫଳ ଯଦି ଖାଇବା ପାଖରେ ପାଣି ଥୋଇବ।

ଉତ୍ତର:- କଂଚାଲଙ୍କା।

୯. ପବନ ଖାଏ ସେ ପବନ ପିଏ ,ପବନରେ ତାର ଜୀବନ ଥାଏ ,ବାଜିଗଲେ କଣ୍ଟା ଦେହରେ ତାହାର ଅକାଳରେ ତାର ଜୀବନ ଯାଏ।

ଉତ୍ତର:- ବେଲୁନ।